alleen

hoekom is ek vanaand so alleen,

soos elke ander aand

maar juis vanaand

my begeerte vir gesels

met iemand wat my hart ken

maar met God praat ek

heeldag , aldag

ek wil jou ‘n drukkie gee

en dit en dat gesels

kom ons deel ‘n rooiwyn,

sit net by my en praat

kom ons praat tot ons woorde opdroog

en mekaar in stilte bekoor

maar vanaand verteer die alleenheid my,

hoe verlang ek dan so?

my hart moet nog behoort

                                                                       dirk van der bank

lil se gedig

liewe lil

my hartsvriendin

dis nooit te laat

deur ons hart se verloor

wie was daar anders

vir mekaar moes ons oopmaak

jou oor, my dankbaarheid

my oor, jou verlossing

saam het ons gebid

en vertrou

dat kalmte sal heers

jou hart is nou in goeie hande

jou pad lê met liefde besaai

lil dis seer

dis ook maar nuut elke keer

jou oë se rooi vertel

maar kyk die toekoms

dis blommetyd in winter

jy is 'n lentekind in herfs

en jou siel somermooi

dankie lil

my hartsvriendin

                                                                                                                dirk van der bank

My gemoed is 90’s musiek vandag

Nostalgies opgewek, lekker

Tussen die bakker se choc chip koekies

Koue waatlemoen stukke en die see

Vrede

Ek is weer vir n slag honger vir kos, vir leer, vir wees

Interessant wat ‘n gebreekte hart kan bring

Nie net altyd seer nie maar ook bevryding op ‘n manier

‘n Gevoel van blydskap dat die pad moes eindig

Al wou ek dit nie so gehad het nie, ek wou glad nie

Maar die mens moet oorgee aan die lewe en sy pad met jou

Dis nie altyd sleg nie

Die geheim is om altyd soos die rykste man te voel met jou hart

Jy moet skatryk glimlag

Seëninge ,liefde en vrede kom altyd na elkeen van ons toe

Dis hoe jy dit  waardeer, deur al die klein dinge van die lewe

So maak dit saak

Dirk                                          

Wens

Ek wens ek kon musiek maak,

Dan kon ek vir jou die mooiste love song komponeer.

Ek wens ek was ‘n skildenaar,

Ek sou die mooiste landskap vir jou skilder en dit die mooiste raam gee.

Dalk ‘n digter?

‘n Hele bundel opgedra aan jou met verse wat rym soos die glimlag op jou gesig.

Miskien ‘n wêreld reisiger,

Net sodat ek die mooiste van elke plek vir jou kan saambring.

Ek wens ek was n wynmaker,

Net om die beste druiwe vir jou te pars, ‘n wyn na jou te vernoem en dit saam met jou te geniet.

Ek sou graag wou leer van blomme,

Vir as jy wakker word in die oggende, dat daar altyd die mooiste blom in jou hart kan groei.

Tog bly ek, ek

Die musiek en skilderye, die gedigte en wêreld reise

Die blomme en die beste wyn

Dis die aarde se dinge

My grootste wens bly eenvoudig

Om in jou arms wakker te word,

Jou styf vas te hou

en

jou eenvoudig net lief te hê

dirk van der bank