Winterreën

Die sonopkoms vlek my gordyne die sagste oranje
Dis koud vanoggend.
Jy lê in die kamer langsaan
Die muur skei ons.
Die een wat ek voor jou opgebou het.
Het ek maar eerder geweet hoe om te breek, as te bou
Die son se geel laat dit warm lyk buite
Hoe lekker is dit nie om vir jou ontbyt weer te maak nie
Melkskuim met kaneel
Dis koud vanoggend
Die reën begin val en ek is dankbaar
Net oor jy hier is.