vanaand mis ek jou soos die wind noordwes waai

ek mis jou soos die maan agter die wolke kwyn

ek verlang jou soos die onbekende gesig die ontmoeting vermy

ek verlang jou soos iemand wat jy jare lank ken

ek mis jou soos die mense op die dansbaan links trap

ek wens ek kon jou ken

ek mis om jou te leer ken

ek wens jy was hier in my arms gevou

in my gedagtes gebou

ek wens, ek hoop

so dis al wat ek kan doen

 

 

onskuld

Ek mis daai onskuldige liefhê dae

 

Daai dae waar ek skuldloos na jou kon kyk en weet

Ons kon lag en saam uitgaan

Hande vashou en droom oor die toekoms

Planne maak vir weggaan

Die wêreld was ons oester

Ons troos

Maar tyd leer mens anders

Die onskuld raak verlore

Die hart raak slim, te slim

Ek is net so dankbaar vir daai ruimte in my

Ek weet ek is okay

Onskuldige liefde lê weer voor...met tyd sal als regkom

Rooiwyn gedagtes

Ek drink vanaand rooiwyn verlange

Net om berusting te kry oor waar ek nou is

Ek kan gelukkig nie getuig oor my pad na vore nie

Al wat ek vanaand weet

En wil weet

Onthul my glas se rooi

My wyn se smake en nuanses

Ek wil net wees met bedoeling

Met my sjokolade poeding se soet en my skoot Italiaanse bitter

Wil ek vanaand net bittersoet my gedagtes se reis voortsit

Binnekort ń regte reis

Binnekant ń regte gevoel

 

liefde bly

kan ek my kop op jou

skoot neerlê

sal jy my trane

wegvee

met jou duim

moenie weggaan nie

jou veiligheid is my troos

sal jy my rug vryf

vryf vir my die seer uit

moet my nie begaan nie

my hart is al te seer

liefde bly

bly die keer

seblief

Winterreën

Die sonopkoms vlek my gordyne die sagste oranje
Dis koud vanoggend.
Jy lê in die kamer langsaan
Die muur skei ons.
Die een wat ek voor jou opgebou het.
Het ek maar eerder geweet hoe om te breek, as te bou
Die son se geel laat dit warm lyk buite
Hoe lekker is dit nie om vir jou ontbyt weer te maak nie
Melkskuim met kaneel
Dis koud vanoggend
Die reën begin val en ek is dankbaar
Net oor jy hier is.

blommetyd vir `n beminde

ek bring vir jou `n roos

streel my sagkuns met jou vingers

ek lê lelies voor jou neer

jou wil ek hê

ek gee vir jou `n kappertjie

vir daai mooiste mooi glimlag

`n sonneblom groei ek vir jou

saam volg ons die son

daisies pluk ek vir jou

vir ondeund wees, so oulik

`n arm vol swaardlelies

want jou hart wil ek beskerm

gesiggies maak ek nat op die vensterbank

jou oë wil ek altyd laat glinster

en `n afrikanertjie sit ek in water

vir jou het ek ewig lief...

                                          dirk van der bank



swaartekrag

so ry ek met `n swaar gemoed vandag

leeg en eensaam my hart wat agterwee gelaat is

gelaat in die Kaap se wonder en glimlag

in soet herhinneringe

ek veg terug daai gevoel met dankbaarheid

vooruitsig

en

hoop

tot ek weer daai brander sien breek op blouberg se strand

en sien hoe die Kaapse see speel met die hemel blou

tot dan gaan ek my gedagtes hou by jou

by die soet en die helder van jou oë

jou snaakswees wat my laat bloos

die spesery van jou parfuum wat een raak met jou sagte vel

tot dan

gaan ek tafelberg se swaartekrag soek

                                                                                                    dirk van der bank